Teena e le tamā o loo molia i moliaga o le faia o talosaga pepelo ia maua ai le wage subsidy o le Koviti ona moliaga e 95.
A o tulai ai le tamā Aukilani ia Hun Min Im i luma o le faamasinoga faaitumalo i Aukilani ananafi e tali i ona moliaga nei e le gata o lona lē talia o tuuaiga faasaga ia te ia ae ua faaopoopo le isi ona 53 moliaga lea e faapea na ia faauluina talosaga ia maua ai le $2.3 miliona, ma o lea na totogi atu iai le $624,000.
O le fesoasoani lenei a le malo na aumai mo totogi o tagata i taimi o le Koviti ma o fesoasoani tupe na faatalosaga ai Hun Min Im i auala pepelo e aofia ai le Small Business Cashflow Scheme, Covid-19 Support Payments ma le Resurgence Support Payments.
O loo tuuaia foi e le ofisa o le Serious Fraud poo le SFO faamaumauga faapea na ia pelogia ai le ofisa o loo lesitala ai pisinisi.
O le ofisa foi lea na tuuina atu iai e le Matagaluega a le Social Development e na te iloiloina lenei mataupu.
O le aso 19 o le masina fou e toe tulai ai lē ua molia.
