O loo teena e Saina o loo iai lona ofisa o leoleo i totonu o Niu Sila.
O le lipoti a le Safeguard Defenders na faailoa i le amataga o le vaiaso na sau ai le lisi o atunuu o loo faatutū ai ma ofisa leoleo a Saina ma o loo sau ai ma Niu Sila i le lisi.
O lea ua sau tala ua suesueina nei ofisa o leoleo faalilolilo nei i Amerika, Kanata ma Europa.
Na saunoa le minisita o le va i fafo a Niu Sila, Nanaia Mahuta o le lipoti a le Safeguard Defenders o se tala faapopole loto ma ua faamaonia mai foi e le matagaluega a le Palemia faapea leoleo ua vaavaai nei iai i le lipoti.
Ae i se tali a le amepasa o Saina o loo iai nei i Ueligitone na ia finau o ofisa nei e faapea mai le lipoti o ofisa leoleo, ae o ni service centres.
O ofisa o leoleo o loo ta’ua e le lipoti e faapea o loo toe faafou ai laisene atoa ai ma fesoasoani mo tagata sitiseni mai Saina.
