Ua tāpā e tagata Northaland le totogi atu o i latou ona o le motusia o le eletise faafuasei e mafua i le pou na pa’ū.
O le aso ananafi lea na faailoa faalauaitele mai ai e le Pule Sili o le Transpower Alison Andrew le mafuaaga na ala ai ona pa’ū le pou eletise, ona ua tele gati na aveese sese e konekarate mai le baseplates i le taimi e tasi.
O le sasi lea o le konekarate a le Omexom ma ua toe ta’utino foi le faatonusili o le Omexom, Mornez Green, o i latou lea ua mafua ai ona pa’ū le pou eletise ma o lea foi ua faamalolo uma tagata faigaluega e toatolu na faia.
O le lē mulimulitaia o taiala sa tatau ona tatala auauai gati o loo mau ai le pou, na motusia ai le eletise mo le tusa ma le 100,000 tagata Northland.
E 4 aso talu ona pa’ū le pou ae o lea faato’ā faailoa faalauaitele mai i tua ma ua fai mai ai tagata na aafia e tatau ona toe totogi atu i latou ona o le mea na tupu.
Ae i se tali mai le Transpower o loo mafai ona toe faatalosaga paaga ua aafia agai i pulega o le malosiaga tau eletise o loo lesitala ai.
I le tau faatusatusa a le Northland Chamber of Commerce, o le va o le $60 ma le $80 miliona tupe gau a pisinisi, e ese ai tupe toe totogi mai e ono sili atu.
Puna o Faamatalaga: Northlanders demand compensation after it’s revealed how contractors caused power crisis | Newshub
