Ua faailoa e leoleo mai Kalaiesetete o nisi o faalavelave matautia na tutupu e aofia ai tupulaga talavou ile aso ananafi faasolo mai ile vaveao analeila, e foliga mai e fesootai uma ia faalavelave. o le taitai leoleo o Lane Todd na ia faailoa i le au tusitala o le uluai faalavelave ananafi na tupu i fafo ane o se fale koleni poo le gym i Wigram lea na gaoia mai ai se taavale ae lei taina le 6 i le afiafi.

Fai mai e toafa tagata talavou sa o latou faamatau lo latou aveina o le taavale a seisi foi tagata i fafo ane o se faleoloa i le faaitu o Hornby. Ao lei taina le 10 i le po anapo, ao agai ese mai se talavou e 17 tausaga mai se pasi i Woolston ae taumafai se tasi taavale e agai sao i le alii talavou ma oso ane ai leisi alii mai le taavale lea ma taumafai e ave le telefoni a le 17 tausaga lea.

Fai mai pe a male 45 minute mulimuliane ae faamatau foi e se kulupu o tagata talavou seisi tagata ma sosola ese ai ma le telefoni a lea tagata ma lana taifau.

Ae lei taina le 5 i le vaveao analeila ae lipotia atu ne faaleagaina e nisi o se faleoloa e faatau ai vapes i Stanmore Rd ae vave ona sosola ese ina ua taunuu atu leoleo.

Fai mai leoleo e talitonu o nei faalavelave uma e fesootai ma e matuai le taliaina ia ituaiga amioga. o loo galulue nei la leoleo e saili le kulupu lea ua tele aafiaga o a latou gaioiga i nai tagata na aafia.

Puna o Faamatalaga: https://www.1news.co.nz/2024/10/16/dangerous-reckless-incidents-all-linked-to-youths-in-christchurch/