Ua ioe le faigamalo a Kuiniselani o le a o latou faataitaia le faiga fou e na o le fā ai aso aoga i le vaiaso ma ua fuafua o lenei taumafaiga o le a faaitiitia ai lu’itau mo faiaoga e ala i le tele o le taimi o le a maua e sauni ai lesona.
Fai mai le 7News o le a iai lava le suiga lea i le tausaga fou ina ua ioeina le fuafuaga e le faigamalo.
Ua tusi atu nei la le matagaluega o aoga i aoga e tuuina atu iai se faatatau mo le faia o suiga i taimi ma aso o le aoga mo le kuata muamua o le 2024.
Sa faataitaia lenei faiga e nisi o aoga i le tausaga lenei ma ua fuafua o lenei taumafaiga o le a faaititiia ai lu’itau e feagai ma faiaoga faapea ma tamaiti aoga.
O le asō ua fuafua e faia ai se feiloaiga a le minisita ma tusitala e tusa o le mataupu.
