E tuufaatasia tala fou ua lipotia mai Ausetalia tagata e toasefulu ua maliliu ona o le malolosi o faititili ma uiga louloua o le tau na iai a o faamanatuina le Kerisimasi.
Na louloua uiga o le tau i setete o Victoria, New South Wales faapea ai Queensland i le aso o le Kerisimasi faapea ai ma le Boxing Day, ma ese mai i tagata maliliu e oo mai lava anapo o loo motusia le eletise mo le silia ma le 90,000 aiga.
I tagata maliliu ua lipotia, o loo aofia ai ma le teineititi 9 tausaga le matua na maua i Saute o Brisbane, o isi na tafefea ma le isi toalua na pa’ūū iai laau.
A o tigaina ai la le itu i Sasae o Ausetalia i timuga, o le tele o vaega i le itu i Sisifo o loo fetaia’i ma mu lea ua lipotia mai ua maliu ai ma le tagata fuimu e toatasi.
