Ua suesue nei e le puleganuu a Ueligitone faiga piopio a le kamupani a le Beam Mobility lea ua sā ma Aukilani.
O le asō le aso mulimuli o loo tuu mai e le puleganuu a Aukilani e toe vaaia ai scooters a le Beam i luga o le auala, ma i le mae’a ai o le lua aso talu ona se’i e le puleganuu a Aukilani lona laisene o lea ua iloilo e Ueligitone.
I Aukilani ua tuua’ia le kamupani mai Singapore o lea e tele lava ina ova atu ma le fuainumera faatagaina o loo sau i le laisene ana scooters.
O le faiga o loo aiaia ai e laisene nei le aofai o e-scooters e faataga i luga o auala o se faiga ina ia mautinoa ai le saogalemu aemaise o le mautinoa o loo lava auala e faatusa i le tele o e-scooters e feoa’i.
O le laisene a le Beam o loo umia nei i Ueligitone o loo faataga ai le 500 o e-scooters ma le 150 e-bikes.
A o suesue ai la e le puleganuu, o lea foi ua sau tala o loo faia nei foi iloiloga o loo faia lava i totonu o le kamupani, lea ua toe faatoese i puleganuu.
Puna o Faamatalaga: Beam under investigation in Wellington after Auckland cancels licence (1news.co.nz)
