O loo sailia nei le vaafagota e lei toe foi ane ananafi i Gisborne.
I se lipoti mai le kalapu a tagata fagota i Gisborne e tolu vaafagota na o i le taeao ananafi mo fagotaga, peitai o lea ua foi ane le lua ae misi le tasi.
O le latalata i le lima i le afiafi ananafi na maua ai e leoleo lipoti ua lē toe foi ane le isi vaa fagota ma o lea na amata galulue ai loa ma le Maritime New Zealand faapea le Coastguard.
O le ta o le 7 i le taeao ananafi na o ai, peitai o le lua itula mulimuli ane le taimi mulimuli na maua ai fesootaiga ma le vaafagota o loo su’e nei.
O loo taumate le saogalemu o alii e toalua na o i le vaafagota o loo su’e ona o le faaletonu o le tau.
E tuufaatasia tala o le taeao nei e lei maua lava, ma o loo faaauau mai ai i le taeao nei sailiiliga.
Puna o Faamatalaga: Fishing boat with 2 onboard missing off Gisborne coast (1news.co.nz)
