O le laasaga sa faia i le faasā o telefoni feavea’i i aoga i le itu i Saute o Ausetalia ua tulai mai i se tulaga manuia ma lelei ona lipoti e pei ona faailoa i le 9News i le asō ua faaitiitia faafitauli tau amioga, behavioural issues a tamaiti aoga aemaise o uiga sauā e pei ona molimau ai ta’ita’i o aoga.
O le kuata tolu o le tausaga na te’a nei na amata faamamalu ai le sā lea i aoga, e o atu tamaiti i le aoga ona tuu lea o telefoni ia latou loka seia mae’a lelei le aoga.
Ua molimau mai le lipoti i lea tulaga e faapea e 10 pasene ua faaitiitia ai uiga sauā ma faavevesi i totonu o aoga e aofia ai ma ni fusuaga e tapu’e i telefoni.
Fai mai le Premier o le setete, o lea la ua iloa nei o se fuafuaga lelei tele lea ma o se lu’itau mo le fanau aemaise foi mātua e galulue faatasi ai ma aoga mo se taui lelei.
Puna o Faamatalaga: https://www.9news.com.au/national/south-australia-mobile-phone-ban-schools-success-behavioural-issues-violence/4c9b206c-9e26-4902-b614-256420b2a47f
