O le aofa’i o tagata Ausetalia o loo talosaga mo le fesoasoani i le totogiina o a latou pili i le Origin Energy ua matuai siitia, ma o se tasi lea faamaoniga o le siitia pea o le tau o le soifuaga.
Ua lipotia ua faaopoopo atu se isi aofa’iga e 27afe o paaga a le Origin ua auai i le latou pololakame mo paaga ua faigata ona totogi pili, le hardship program.
Fai mai o le toatele o loo talosaga mo se fesoasoani i le totogiina o pili mai le tausaga talu ai.
O le Origin sa faalauiloa la latou polofiti e $747 miliona i le ono masina e faamuta ia Tesema 2023 na o latou ta’ua pe ā ma le 90 miliona o loo tuuina i polokalame fesoasoani i totonu o le tolu tausaga talu ai e faatusa atu i le $50 miliona ua fuafua e fesoasoani ai i le tausaga faaletupe a lenei e tasi.
Puna o Faamatalaga: https://www.9news.com.au/national/origin-energy-reveals-staggering-increase-in-number-of-aussies-struggling-to-pay-bills/6460d881-3b0e-4af9-b949-e79a76771bbf
