Ua faailoa se finagalo lē fiafia o le minisita o le va i fafo a Niu Sila, Winston Peters i le fonotaa a Malo Aufaatasi i Niu Ioka e faatatau i nisi atunuu ma le soona faaaogāina o le malosiaga lea e faaigoa o le veto i le faaperetania.
Sa faaaogā ai e Peters i lana lauga i lea fonotaga e folafola ai o le a finau Niu Sila mo sona nofoa i le UN Council mo le nofoaiga mai le 2039-2040.
Ta’ua e le One News o Aotearoa sa palotaina i le Security Council lea a Malo Aufaatasi i le 2014 i le mae’a o se campaign 10 tausaga sa faia ma e 2 tausaga na auauna ai i le counci, 2015-2016.
I lana lauga sa folasia ai e Peters le talaaga o Niu Sila ma Malo Aufaatasi atoa ai ma popolega i le soona faaaogā o le malosiaga lea o le veto, saunoa ai foi i le taua a Lusia ma Ukraine aemaise le vevesi i Gaza.
Na faailoa foi e Peters i le General Assembly ua to’atele alii talavou o Niu Sila sa ofo atu soifua i taua i nisi o eleele e mamao ese ma e lē o toe fia oo i se tulaga o se isi taua a le lalolagi.
Puna o Faamatalaga: https://www.1news.co.nz/2024/09/27/new-zealand-calls-for-veto-reform-at-un-general-assembly/
