O loo una’ia e le Kapeneta a Isaraelu le vaega muamua o le maliega i le va ma le Hamas ina ia faataunuuina i le aso a taeao ae lē o le Aso Sa e pei ona faatulaga ai ma ua ta’ua o le asō o le a faia ai se palota a le Kapeneta e faamautū ai lea finagalo.

O loo tumau pea le talitonuga o sui o le malo tele o Amerika sa iai i le faiga o lea maliega, e taunuu lava vaega e tolu ua faatulaga iai le maliega ma e amata faatino i le Aso Sa.

E lē o manino uma mai aiaiga o le maliega lenei ma e lē o fia faia foi se faamatalaga a le Palemia o Isaraelu se’i vaganā ua faamautūina mea uma.

Fai mai le CNN e talu ona folafola le maliega lea e taofia ai vesiga ua 86 tagata ua faamauina ua maliliu.

Ua mafua lea tulaga ona o osofa’iga a Isaraelu ma ua faamanu’alia ai tagata e 258, o i latou ua maliliu e aofia ai ma tamaiti e to’a 23. 

Na saunoa ane le ta’ita’i o le Itu Agai a Isaraelu i le alii Palemia o Netanyahu e aua le fefe ae faamuamua le faatinoina o lea maliega ia faasa’oloto ane tagata o loo ave faapagota ma taofia ai fetauiga.

Puna o Faamatalaga: https://edition.cnn.com/world/live-news/israel-hamas-gaza-ceasefire-hostages-01-16-24/index.html