Ua mae’a sainia e le Minisita o Felaua’iga, Simeon Brown le tulafono fou lea ua faalēaogāina ai suiga o le saoasaoa e feoa’i ai taavale.
O suiga nei na aumai e le faigamalo faato’ā uma atu, lea na tuu mai ai i lalo le saoasaoa faatapulaa e feoa’i ai taavale, peitai o le faai’uga o le vaiaso lea na toe suia uma ai ina ua mae’a saini le Minisita e ioeina ai suiga fou o le a iai.
O le aso 30 o le masina o Oketopa lea e amata aloa’ia ai le Land Transport Rule: Setting of Speed Limits 2024, ae o le ulua’i aso o Iulai 2025 lea e toe faafoi uma ai le saoasaoa o taavale i le saoasaoa sa iai muamua a o lei suia i le aso muamua o Ianuari 2020.
O suiga nei o le a mafai ai foi ona oo atu i le 120km i le itula le saoasaoa e feoa’i ai taavale i luga o auala o loo ta’ua o Roads of National Significance.
O suiga nei e lē o auai ai le to’atele o tagata su’esu’e faapitoa i itu tau saogalemu ma fai mai ai e ono faatupula’ia ai tagata maliliu ma manunu’a tigaina ona o faalavelave tau taavale.
Puna o Faamatalaga: New rule will reverse speed limit reductions – Transport Minister (1news.co.nz)
