Sa tapunia nisi o aoga i Hawkes Bay i le taeao analeila ina ua lipotia se alii sa umia se fana ma ia faaleaga taavale a leoleo ma sola ese.
O le pepa o faamatalaga mai leoleo ua faailoa ai na faailo atu leoleo i le alii lea e taofi lana taavale i le faaitu o Camberley ona sa fia talanoa i le avetaavale i se mataupu o le gaoi, o i na sola ai mai leoleo ma amata ai tuliga.
Fai mai leoleo e lua a latou taavale na soso’a e le alii lea a o lei sola ese mai le taavale na malaga atu ai, feta’ua’ina sa tamo’e ese mai ma se fana.
Na taloka ai loa ma aoga ia e lalata ane ona o tulaga masani tau le puipuiga pe a tulai ni tulaga faapea.
Ua faamaonia mai e leoleo e 43 tausaga o le alii ua i lalo o le vaaiga a leoleo, ua toe tatala aoga ae o loo iloilo e leoleo moliaga e ono faia i lea alii.
Puna o Faamatalaga: https://www.nzherald.co.nz/nz/man-with-gun-arrested-after-ramming-police-in-chase-through-hastings/OX5SDX2ANZDRRABIEDYSDSSKD4/
