O loo talimalo Papua Niu Kini i le fonotaga lona 7 a faauluuluga o auaunaga tau puipuiga a le Pasefika le Joint Heads of Pacific Security meeting o loo faatino i Port Moresby ma ua saunoa ai le sui Palemia o Papua, John Russo o le taula’iga autū o le faalautele lea o le faavaa le Regional Joint Deployment Framework ia faamautinoa le filemu, puipuiga ma tulaga lelei o le itulagi.
O lea fonotaga e faia i tausaga ta’itasi o le faamaoniga lea o le galulue faatasi o sui auai ma e maua ai foi le faamalosi i tulaga tau le puipuiga ma tutū faatasi.
O le 2019 na amata ai lea fonotaga ma e aofia ai atunuu e 24 o le Pasefika ma atunuu e 2 o observers o Amerika ma Iapani ma isi faalapotopotoga mai le Pasefika.
Saunoa ai le Komesina o leoleo a Ausetalia Reece Kershaw e faaauau pea ona inivesi leoleo Ausetalia i taumafaiga faapea e pei foi ona iai le Pacific Police Support o loo maua ai avanoa e toleni ai ma faasoa malamalama o leoleo o le Pasefika ma Ausetalia i avanoa e faalautele ai le auaunaga.
Puna o Faamatalaga: https://www.rnz.co.nz/international/pacific-news/545423/pacific-security-heads-meet-in-port-moresby
