O le asō le palota a le atunuu o Palau lea ua toe tauva ai lē sa avea ma Peresetene, Surangel Whipps Jr mo se isi ana paeaiga ae tauva ai ma lē sa avea foi muamua ma Peresetene o Tommy Remengesau Jr fai mai o le aualii ia o uso faaletulafono, brothers-in-law.

I se faamatalaga mai le ofisa o faigapalota a Palau ua ta’ua ai o le aofa’i o tagata ua lesitala e palota e 16,627.

O mataupu na laualuga i le finau mo le tofi o le atunuu e aofia ai le tau o le soifuaga ma nisi o suiga i lafoga.

I se finagalo faaalia o le sui tauva o Whipps Jr i le masina o Aokuso na ia ta’ua ai o le latou palota e fai faatasi ma Amerika ma o ai lava le sui e malo mai i Amerika o le a tumau pea le sootaga malosi a Palau ma le malo tele.

Ua faailoa foi o le ‘autauva i le tofi o le atunuu e tali tutusa lava a la faiga faavae o loo finau ai ma o le isi o le alii faipisinisi ae o le isi o le ta’ita’i o lana vaega faaupufai.

Puna o Faamatalaga: https://www.rnz.co.nz/international/pacific-news/532857/palau-election-2024-whipps-jr-seeks-second-term-against-remengesau-jr