E faitau afe galuega ua lipotia e ono aveesea i lalo o se iloiloga o le a faia i le auaunaga faalaua’itele i Vitoria.

Ua faailoa e le Premier o Vitoria o Jacinta Allan i le autusitala i le asō, o le tamaitai o Helen Silver ua filifilia e ta’ita’ia le iloiloga e pei ona ta’ua ma o le a faatalia se lipoti o lea iloiloga a o le’i oo i le aso 30 o Iuni.

O lona uiga e pei ona ta’ua i le lipoti e ono oo atu i le 6 pasene o tagata faigaluega i Vitoria o le a lusi galuega.

O le a aofia ai ma frontline workers e ui ua faailoa e le Premier ua iai fesoasoani ua faatulaga mo i latou ia aemaise i faia’oga, tausi soifua, leoleo ma i latou e galulue i le puipuiga o tamaiti.

O le iloiloga tuto’atasi lea e pei ona faailoa e le Premier, e faamautū ai o loo alu aogā uma tālā poo tupe a le faigamalo a le setete.

Fai mai e oo i le 3 afe avanoa faigaluega e ono aveesea mai lea fuafuaga ma ua faailoa e Jacinta e le’i faigofie ona faatino le faai’uga ua faia ai lea fuafuaga.

Puna o Faamatalaga: https://www.google.com/amp/s/amp.9news.com.au/article/4d7390dc-3a36-4791-a232-968e288dbe19