Ua saunoa le sooupu o le Leipa i mataupu tau aiga ma sauāga matagā, Ginny Anderson o le maliliu o tamaiti e to’alua i le ulua’i vaiaso o lenei tausaga fou i Niu Sila o se faamanatu lea ua tatau ona silasila toto’a le atunuu i auaunaga e feagai ma le tautuaina o tagata frontline services mo nai aiga o iai i tulaga ma’ale’ale.
Fai mai le RNZ e to’alua alii o loo taofia e leoleo ma feagai ma moliaga o le fasioti tagata i ni mataupu eseese e lua, le maliu o se tamaitiiti mai Hamilton ma le isi tamaitiiti i Aukilani.
O loo su’esu’e nei foi e leoleo se isi faalavelave i Dargaville na ave ai se tamaitiiti i le falema’i ona o ni manu’aga ogaoga i lona ulu.
Fai mai Anderson o le faaitiitia o le aufaigaluega e faatinoina auaunaga ia ua atili tuuina ai se lamatiaga i le saogalemu o le fanau.
Na saunoa le minisita o mataupu tau tamaiti, Karen Chhour o loo galulue nei le malo i se fuafuaga e faatatau i mataupu faapea aemaise lava le puipuia o nai fanau.
Puna o Faamatalaga: https://www.rnz.co.nz/news/political/538405/cuts-to-frontline-services-risking-safety-of-families-labour
