O le a unaia e le Palemia o Ausetalia, Anthony Albanese le atunuu o Saina ina ia aveesea loa nisi sā o totoe i luga o oloa auina atu i fafo a Ausetalia i lea atunuu, ma o le a faatino lea tulaga pe a feiloa’i atu Albanese i sui o lea atunuu i le ASEAN Summit ua aga’i atu iai.
Ua tulaueleele le Palemia i Laos mo lea fonotaga ma ua ta’ua o le a faataunuu ai sa la talanoaga ma le Premier o Saina, Li Qiang.
Ua mae’a ona aveesea e Saina sā sa iai i oloa auina atu i fafo a Ausetalia e pei o le coal, barley ma le uaina peitai e toe lava o sā i luga o ula, lobsters lea o loo tumau pea.
O le masina talu ai na malaga ai le teutupe o le atunuu, Jim Chalmers i Beijing mo talanoaga ma le teutupe a Saina ma ia ta’ua ai o loo galulue itu e lua i le aveesea o sā o totoe i le ula lea mai Ausetalia.
Fai mai le Palemia o South East Asia le paaga lona lua a Ausetalia i itu tau fefaataua’iga ma e 500 afe galuega i Ausetalia o loo faalagolago i fefaataua’iga ia ma atunuu o Asia Saute i Sasae.
Puna o Faamatalaga: https://www.9news.com.au/national/prime-minister-anthony-albanese-arrives-in-laos-for-asean-summit/37df6c88-fc34-4248-b07d-e9e8edf4f3f4
