Search
Palemia - Fiame Naomi Mataafa
Palemia - Fiame Naomi Mataafa

Momoli le finagalo o Samoa i Malo Aufaatasi e le tamaitai Palemia

Ua folasia le finagalo o le Malo o Samoa ile tauaofiaga lona 77 o Malo Aufaatasi lea o le a faaiuina ile amataga o lenei vaiaso, ina ua saunoa le tamaitai Palemia le afioga Fiame Naomi Mataafa, ile fono usu a Malo o le lalolagi o loo avea ma sui o lea faalapotopotoga tele a le lalolagi.

O le aso Toonai i Samoa ae o le aso Faraile i Amerika ile aai o Niu Ioka o loo iai le nofoaga tutotonu o Malo Aufaatasi na saunoa ai le taitai o le Malo, lea sa ia faailoa ai ile amataga o lana folasaga le matua o le faatemokarasi i faigamalo a Samoa, ina ua tulai mai le gasegase a Malo i upufai o le atunuu ina ua tuanai le faigapalota i a Aperila o le tausaga na te’a nei.

Na faailoa e le afioga Fiame Naomi Mataafa i lana saunoaga, e ui ina sa lutia le folauga a lo tatou atunuu i lea vaitau, ae o loo to’a filemu ma soifua fiafia o tatou tagata. O lana saunoaga foi na ia ave ai le tuualalo ma augani i taitai o Malo o le lalolagi, i latou o loo silimusa i le faaleagaina o le vanimonimo i kasa oona mai a latou taumafaiga o atiinae o o latou tamaoaiga, o le taimi lenei e tutu faatasi ai e faatino tiute ma matafaioi tauave ua faataoto i maliega faavaomalo, e fofo ai aafiaga o le siosiomaga ona o suiga tetele o le tau.

O ia suiga e pei ona faailoa e le Palemia o Samoa, ua ogaoga ai aafiaga o atunuu tau atia’e ma vaivai o latou tamaoaiga e pei o Samoa. Na afea foi ile folasaga a le tamaitai Palemia o le tatou atunuu ni auala e tatau ona faatino e atunuu taitasi e faaleleia ai tulaga faigata ua feagai nei ma Malo, ona o le siitia maualuga o le tau o le soifuaga, e mafua i aafiaga o le pesia o le lalolagi ile faamai koviti 19.

O le taua i Ukaraine ma le tau faamatau o Rusia e faaaoga ona malosi tau meatau niukilia ua faailoa e le palemia o Samoa, o se taumafaiga e lamatia ai le saogalemu o le puipuiga o atunuu ma e matua tu malosi Samoa ile teena o ia malosi tau a’upega o taua. O le a maea o le tauaofiaga lona 77 a Malo Aufaatasi, o le a faatasi atu ai le Palemia i le feiloaiga a taitai o le Pasefika ma le Pelesetene o le Malo malosi o Amerika ua fuafua mo le ogatotonu o le vaiaso nei.

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

WATCH LIVE NOW

Keep uptodate with Radio Samoa activity & promotion

* indicates required