Ua molia ni alii talavou se toalua lea na aofia i se fusuaga na faia i le taulaga faatau i Adelaide i le aso ananafi ma iu ina tapunia ai ma lea nofoaga.
Fai mai a o lei tāina le 3 i le aoauli na agai ane ai ni kulupu se lua o ni alii talavou i le foodcourt i Westfield Marion, fai mai na agai ane isi ma ni auupega ma fai ai loa fusuaga i lea nofoaga.
Sa tamomo’e ese tagata na lalata ane mo lo latou saogalemu ma iu ina loka ai ma le shopping centre ae aveese mai tagata a o faia sailiga a leoleo i le aualii na mafua ai le vevesi.
Na ta’ua i le lipoti a le 9News e toalua isi tagata faatau na manunu’a ai i le mataupu lea o se tina e 77 tausaga ma se teine talavou.
O le taeao analeila na folafola mai ai e leoleo e toalua alii talavou ua pueina, 15 ma le 16 tausaga ma ua molia i le faaoolima, gaoi ma isi moliaga ma o le asō o le a tutulai ai i luma o le faamasinoga.
Puna o Faamatalaga: https://www.9news.com.au/national/marion-westfield-lockdown-adelaide-teens-arrested-south-australia/15626d4c-9574-4e70-aefd-0868c83b5b68
