Ua pue e leoleo tagata e toalua ile latou suesuega agai ile au sei ato I Aukilani pei ona auina atu ai foi sa tatou lipoti muamua. O faalavelave faapea o loo matele lava ina matauina i pitonuu o Botany ma Papatoetoe I Aukilani I Saute.
Ua faailoa I le aso e asiasi leoleo o Colin Higson ua molia nei e leoleo se alii e 22 tausaga ma leisi e 24 tausaga le matua.
O loo iai I laua ia I le faamasinoga faaitumalo I Manukau ona o moliaga ia ma isi moliaga o le le faamaoni. Fai mai leoleo o loo faia pea le suesuega e lei maea I le mataupu lenei.
Faamanatu e leoleo ua o latou maua lipoti e faapea o le faatinoina o osofaiga a I latou ia e faapaka a latou taavale I tua ane o taavale ale atunuu I ka paka, ona oso ane lea o leisi mai le faitotoa a le pasese ma sei atu le ato mai totonu o le taavale ma toe sosola ese ai I le latou taavale lea e faapaka atu I tua o taavale latou te osofaia.
Faailoa e leoleo ile atunuu ia lipoti atu nisi mataupu faapea o aafia ai.
