E manatu le faauluuluga o le Mental Health Foundation o Shaun Robinson e lē tatau ona ta’umaualaloina amioga a tagata ona e iai ni faalettonu tau le mafaufau o loo aafia ai ae i le taimi lava foi lea o le tāua ia o le faailoa o uiga alofa.

Ua afua faamatalaga a Robinson ona o le mataupu i lē sa faipule o Golriz Gharahman lea ua faamavae ma le Palemene ina ua alia’e tuuaiga o le gaoi faasaga ia te ia. 

Sa faailoa e Ghahraman e faapea ua manino o le soifua maloloina o lona mafaufau ua matuai aafia lava aemaise o mea tau le galuega.

I le faatalanoaga a Robinson i le Breakfast i le taeao analeila sa ia ta’ua ai o ia e talionu e tatau ona iai se malamalamaga sili atu i le tulaga o faaiuga lē lelei e faia e le tagata ma e masani ona tupu lea tulaga ina ua lutia i luitau o le olaga ma e tatau ai foi i fale faigaluega uma ona fesoasoaani i le puipuia o le soifua maloloina o le mafaufau o a latou tagata faigaluega e pei ona iai i lalo o le tulafono.