E fai si ogaoga o le faalavelave tau taavale i le State Highway 1 i le itu i Saute o Waikato i le taeao nei ma ua faailoa e leoleo i sa latou pepa o faamatalaga na logoina i latou i le faalavelave lea i Pairere poo le ‘afa o le 5 i le vaveao.
E to’alima tagata ua lipotia o loo manunu’a tigaina ai ma ua poloka nei le State Highway 1 i le va o Horahora Rd ma Paparamu Rd, ma ua ta’ua e lua taavale na feto’ai ma maua atu tagata e to’atolu o loo poloka ai i totonu.
Ua faamaonia mai foi e le NZTA le faalavelave lea ma e lē taumate o le a umi se taimi o le aso e poloka ai le auala a o faia su’esu’ega.
Ua fautuaina avetaavale ia utagia fetuuna’iga i le alatele ona o lea faalavelave ma ‘alofia lea faaitu a o faatalia ai se isi lipoti mai leoleo e tusa o le faalavelave ma i latou o loo aofia ai.
Puna o Faamatalaga: https://www.1news.co.nz/2025/01/08/five-seriously-injured-in-two-vehicle-crash-on-sh1-near-tirau/
