Fai mai le CNN o loo vaaia tagata i fafo ane o le American University of Beirut Medical Center lea o loo togafitia ai i latou na aafia i le osofa’iga a Isaraelu i le po anapo.
Vaaiga i tagata o loo fetagisi ona o aiga ma fanau ua ma’umau soifua.
A itiiti mai pe to’a 22 i latou na fasiotia i le osofa’iga lea ma le silia i le 100 o loo manunu’a.
Ua faatupula’ia le oi ma popolega mo le saogalemu o tagata faigaluega tau le soifua mālōlōina faapea foi tagata faigaluega a Malo Aufaatasi o loo galulue ai i le itu i Saute o Lepanona lea ua faasolosolo atu iai osofa’iga a Isaraelu.
Ua faaleo foi popolega o le atunuu o Farani i le mae’a o le osofa’iga lea, fai mai a latou o loo faatalitali nei i se faamatalaga o ia osofa’iga mai ia Isaraelu.
O isi foi atunuu e pei o Aialani ua faailoa le lē fiafia ona o le aafia fua ai ma tagata faigaluega a Malo Aufaatasi o loo faatino o latou tiute i le taumafaiga o se filemu i nofoaga o loo vevesi.
Puna o Faamatalaga: https://edition.cnn.com/world/live-news/israel-gaza-lebanon-war-10-10-24/index.html
