E le o iai se suiga o vaega o lapataiga mo Niu Sila atoa e tusa ma le faaiuga a le kapeneta na tuuina mai ananafi
O Aukilani o loo lapataiga vaega 3 pea, o isi uma vaega o Niu Sila I le vaega 2 ese ai se vaega o Waikato lea na amata vaega tolu mai ananafi o loo tumau pea
Mo Aukilani lava ia, o lea ua iai na I suiga faaopoopo o lana vaega 3 lea e amata aloaia mai le toe tasi le minute I le 12 ananei
O lea suiga o le a mafai ai ona toe feiloai I fafo o fale aiga ma uo ae le tatau ona silia atu ma le toasefulu tagata ma o nei tagata e mai aiga e lua
O le faatagana o le a mafai ai ona mafuta I fafo ua faia lea fua I suesuega faasaienisi e le tele se pipisi o le faamai pe a iai tagata I fafo
O loo sau ai foi ma le talosaga e tausi pea le va ma isi kulupu e ono fesootai atu iai faapea ai ma le faaaoga o ufi fofoga
O lea foi o le a amata faataga ai ma le feoai o tagata Aukilani I totonu lava ia o Aukilani e asiasi atu I matafaga faapea yoga e faia I fafo, pau o lea ia tausi pea le numera e 10 tagata
Mo aoga amata, o lea foi o le a mafai ona toe tatala mai a taeao ae ia tausi le toa10 I totonu o le lio, ma ia faia siaki o faiaoga
O suiga ua taua o le a aloaia mai ananei ma o le Phase muamua lea o le tolu ua faatulaga mai e le malo mo Aukilani, o le Phase 2 ma le 3 e le o iloa se aso pau o lea o le a iloilo I vaiaso taitasi
