Ua lē tuuina mai e le Peresitene o Amerika, Donald Trump se avanoa e ‘alofia ai pe lē aofia Ausetalia i le totogiina o lafoga faaopoopo poo tariffs ua tuuina e Amerika i luga o ana oloa, o uamea ma alumini.
O le asō ua faailoa mai ai e le failautusi a le fale paepae Karoline Leavitt i le ala nusipepa o le 9News sa iloilo e Trump lea mataupu ma se avanoa e ono lē totogia ai e Ausetalia ia lafoga faaopopo; peitai ua mae’a faia le faaiuga, o lona uiga o le a totogi lava ia lafoga mo le auina atu o oloa faapea i Amerika.
Ta’ua e le 9news na talanoa Trump ma le Palemia o Ausetalia ia Albanese i le masina talu ai i le mataupu lava lea ma na faatalia mai ai lava se faaiuga.
O le asō lea e amata faamamalu ai le totogiina o ia lafoga .
O le faamatalaga mai ia Trump e moni e iai nai suiga e tulai mai i tamaoaiga ona o ana lafoga ia peitai i se faatalanoaga talu ai nei ma le au faasalalau i Amerika na ia taua ai e ono tulai mai se recession poo se faaletonu tau le tamaoaiga ona o lea tulaga.
Puna o Faamatalaga: https://www.9news.com.au/national/donald-trump-rules-out-tariff-exemption-australian-steel-and-aluminium/2b339ef2-d341-475d-ad11-f62fb6f08dec
