Ua le mautinoa nei fuafuaga na ta’u ai le taunuu mai o pasese mai fafo le tau o I nofoaga faanofoesea faapea le faanofoesea I fale o aiga
O le faasilasilaga na sau ananafi ua fofoga mai ai e Jacinda Ardern e moomia le toe fono o le kapeneta I le amataga o le tausaga fou e iloa ai le faaiuga mautu, ma ua mafua lea ona o le tulaga le mautonu o iai le Omicron
O le aso 17 o Ianuari lea ua faatali uma iai le toatele o tagata Kiwi o loo I Ausetalia faapea le toatele e fia faimalaga mai latou te amatamea I le omai faasasa’o I aiga e faanofoesea ai mo le 7 aso, peitai o le sau o lea faasilasilaga ananafi ua fesiligia ai nei
O se tala faanoanoa mo le toatele o tagata ua faatalitali mo lea saolotoga ma ua leva foi ona taliga e toe fia foi mai ae ona o le tau faasoa o avanoa I nofoaga faanofoesea
Ae mai le palemia, o le a iloa le isi gaioiga a Niu Sila fua I faamatalaga ma fautuaga I le masina fou lea e aofia ai ma suesuega o loo faia pea nei I le ono mafai ona puipuia e le tui tagata mai le vairusi fou o le Omicron
