Ua lagona le lē fiafia o tagata Hawke’s Bay i le lē manino o le faiga o loo fai mai ai e toe faatau e le malo fale na faaleagaina e le afā.
E tusa ma le 700 tagata e iai fale ua faaleagaina poo fale nei ua i le Category 3, ma a o mananao ai e talia le voluntary buy-out e oo mai i le asō e le o manino pe faafefea ona tupu.
Molimau i lipoti a le Newshub, e le o mafai ona faailoa e councils poo ā tuutuuga ma taiala o le ofo, poo le ofo fou lenei ua malilie ai councils ma le malo latou te togimaa uma i le faatauina o fale e agavaa poo fale o loo i le sone lanu mūmū, toe faaleleia auala ma faia pa e puipui ai mai lologa.
Peitai e ui ua talia, e le o iloa poo ai sa’o e faatauina.
O nisi e le o fiafia ona o lea na faatau motu uma e le malo fale na faaleagaina i le mafuie i Kalaiesetete, a o lea ua lē faia mo Hawke’s Bay.
Ae mai le minisita o loo vaaia galuega toe faaleleia o le afā ma lologa, Grant Robertson e fai lava si umi ona e eseese uma lava foi maliega i pulega a nuu taitasi.
