Ua faaalia e leoleo Northland le faanoanoa tele i le alu o le taimi faapea le malosi o tagata e tali atu ai i le telefoni na sau mai se vaafagota, ae uma ane o se valaau taufaasese.
Na fai si umi o le taimi i le taeao ananafi o pisi leoleo ma a latou vaa i luga o le sami a o tali atu ai e fesoasoani i le vaa na valaau ane mo se fesoasoani.
E lē gata i lea, na galulue ai leoleo ae faapea foi volunteers.
Fai mai le sui o le ofisa, ana faapea nei ae tupu se isi faalavelave e moomia vave ai leoleo ma le aulavea’i o lona uiga e lē mafai ona o iai ona o lea e pisi i le tali atu i le valaau taufaavalea.
O galuega lavea’i nei ananafi i luga o le sami e ono lamatia ai foi ma se soifua o le aufaigaluega ma e lē gata o vaa i le sami ae o lea foi na alu ma le vaalele.
O loo suesue nei e leoleo lenei faiga taufaavalea.
Puna o Faamatalaga: http://Mayday call from vessel turns out to be hoax, police ‘frustrated’ (1news.co.nz)
