E silia ma le 400 tagata na savalia magāala o le Atu Kuki i le asō e faailoa ai lo latou tetee i le alii Palemia, Mark Brown ma ana faai’uga fai aemaise i le mataupu e aofia ai Niu Sila.
O le autetee lea e ta’ita’ia e le Itu Agai o le atunuu, Cook Islands United Party, o loo ta’ita’ia e Teariki Heather ma isi, na tumutumu ai fafo ane o le fale o le Palemene i Avarua
ae faato’ā tasi le aso talu ona toe foi ane le alii Palemia mai lana malaga i Saina.
O faailo mai le autetee ua tusia ai upu, stay connected with NZ lona uiga ia tumau pea le sootaga ma Niu Sila ma ua faailoa e Heather, o loo auai i le solo lea ia faailoa ai i tagata o le Atu Kuki lona manumanu i le sootaga a Niu Sila ma le Atu Kuki ma le faatāuaina pea o le tusifolau Niu Sila mo le atunuu.
Ua ia faatoese foi i le malo o Niu Sila e fai ma sui o le faigamalo a le Atu Kuki.
Saunoa foi le ta’ita’i o le Itu Agai ma le Pati a le Temokarasi, Tina Browne o ia e mana’o e aveesea mai le local passport poo le tusifolau a le Atu Kuki lea e feta’ua’ina ma ia aveesea e faavavau.
Fai mai a ia e leai se mea e leaga ai le sa’ili e le Atu Kuki o ni fesoasoani ae e iai le faaletonu pe afai e tuuina ai le atunuu i se tulaga lamatia ma faaleaga ai le la sootaga ma Niu Sila.
Puna no Faamatalaga: https://www.rnz.co.nz/international/pacific-news/542209/watch-cook-islanders-march-in-avarua-against-mark-brown-government
