Maoae foi se tasi lipoti ua agiga i le amataga o lenei  vaiaso mai le Northern Territory. O se vaalele militeli na lavea ma maliliu ai maligi amerika  e toatolu ma manunua ai leisi toa 20.

Fai mai o loo faaauau galuega laveai i le faalavelave lenei sa aveina ane ai maligi e toa 23 i le vaalele lea i le   tusa ma  le 80 km i  le itu i matu o Darwin ma na tupu i le taeao ananafi. 

E toatolu ua faamaonia ua maliliu ma  isi na aveina atu i le falemai  ma na galulue mai le au suesue mai lava i le afiafi ananafi seia oo mai i le aso.

O loo ua faatino nei suesuega e le  vaega suesue i le nofoaga na tupu ai le faaletonu.

O le faamatalaga a  le palemia o Ausetalia Anthony Albaneseua taua ai o loo taulai le vaai a le malo ma le vaega o le puipuiga ile taimi nei o le lagolago e ofoina ma le fesoasoani mo e ua aafia.

O le aso ua faailoa ai se  pepa o faamatalaga mai le ofisa o le malo o amerika ua faafetaia ai sui uma sa feagai ma le rescue operation.