Ua faafetai taitai o le savali filemu a Samoa mo le taofia o le taua i totonu o Palesitina i le nofoaga o le Gaza, ina ua palota Samoa i totonu o Malo Aufaatasi e taofia loa le pāpā o fana ma faamuta le taua a Isaraelu o loo faasagatau ai i le vaega faatupu faalavelave o tagata Palesitina le Hamas.

Faaalia e se tasi o taitai o le savali filemu lea na latou faamaopoopoina se sainiga lima le afioga Mapusua Tanya Toailoa, e ui e lei tali atu le Malo i le latou savali peitai o lea ua manino le lagolago atu a Samoa i le latou mau, e pei ona faia lana palota ioe i totonu o Malo Aufaatasi i le Aso Lua o le vaiaso nei, taimi lea i Niu Ioka i Amerika ae o le Aso Lulu i Samoa. 

Le afioga Mapusua Tanya Toailoa o se tasi o le komiti o le Savali filemu o le Samoans for ceasefire.