Ua fesiligia le Council a Gore i lana faaiuga ua faamuta ai suesuega e faia faasaga i ona taitai.
O le leai o se nofo fealofani i le va o le Pulenuu talavou ma le Pule Sili na malilie ai loa le Council e faia se iloiloga tutoatasi ina ia sailia ai se filemu.
Peitai o lea ua faamavae le Pule Sili ia Stephen Parry e pei ona sau ai tala i le vaiaso talu ai, ma o le Aso Lua na feiloai ai le Council ma malilie e lē toe moomia le faaauau pea o lea suesuega tutoatasi, ona e na o le toe fafagu mai ai o mea ua uma ona tutupu ma alu ai foi ma le isi $130,000 o tupe a tagata totogi lafoga.
Mai le pulenuu, Ben Bell e lē o toe moomia le suesuega tutoatasi ma o lea foi ua sologa lelei mea uma.
Ae mai nisi o tagata Gore faapea ai ma nisi o tagata suesue, sa tatau pea ona faaauau e aogā mo le agai i le lumanai.
I le fonotaga a le Council na faapalotaina ai lenei mataupu, e move on.
