Ua fesiligia e le iuni, pe aisea e le totogia ai I le $22.10 I le itula tagata locals lea e faigaluega I galuega faifaatoaga

Talitonu le FIRST Union, ana faapea o le totogi lea I le itula semamanu o le a tele ni tagata NZ o le a agai I e faia galuega e pei o le piki lea e aumai ai tagata Pasefika e faafaigaluega ai, ma atonu foi o le a fesoasoani lea I le utiuti o tagata faigaluega faafaatoaga I le taimi nei

O se manatu na afua mai I se suesuega na faia a lenei iuni, ma e foliga mai o loo ave foi la latou faamua I le toe faaalu lava o le tupe maua I totonu o le tamaoaiga o NZ, na I lo le faaalu atu i isi atunuu

Teena foi e le iuni I tala a le newshub ripoti, e augagata tagata KIWI e o e piki

O le faaaliga mai I le malo I le Aso Faraile talu ai, 2000 tagata faigaluega faavaitaimi e aumaia I le tausaga fou e ui I tapu o femalagaiga faavaomalo, totogi iai le $22.10 I le itula, totogi le tusa ma le 30 itula faigaluega a’o faanofoesea I latou nei atoa ai ma le tatau I le pulega o le kamupani o le a aumaia tagata faigaluega ona totogiina uma tau o le a faanofoesea ai