Ua amata I le vaiaso nei ona faamalosia le tatau ona faia o siaki o tagata faigaluega I auaunaga taua o le a kolosia tuaoi o Aukilani
O le aso a taeao o le a amata faamamalu ai lenei suiga foi e tusa ma saunoga a le faatonu o le soifua maloloina, Dr Ashley Bloomfield
Ese mai I poloka I tuaoi e siaki ai avetaavale poo fea e agai iai, o lea foi o le siaki ma faaiuga o siaki o Koviti o I latou o loo feoai atu I fafo ma toe agai mai I Aukilani ona o auauanga taua
E tusa ma le 3000 tagata faigaluega I auaunaga taua o loo kolosia tuaoi nei o Aukilani I totonu o le aso e tasi, ma o se faaiuga e ui e faigata pe a fua I le le mafai ona faigaluega seia iloga lava e maua mai le faaiuga o le siaki, peitai o loo talia ma le faafetai e taitai Northland lea na o latou momolia I le kapeneta e moomia le kolosi o Aukilani ona o nisi o auauanga e fia agai iai I aai e pei o Hamiltone ma isi uma vaega o loo I saute o Aukilani
Ao fiafia ai la Northland I le talia o le kolosia o Aukilani mo le agai atu I saute, o loo sau ai foi ma aiaiga e tatau ona usitaia pe a oo mai I Aukilani
