E lē o alo tamala matagaluega ma auaunaga tuma’oti a le Malo ia latou tapenaga o le fono i le masina fou, e pei o le pulega o fela’ua’iga i le laueleele o loo gafa ma le suaina ma faavalitā nisi o alatetele i le taulaga ma nofoaga o le a uia e usugafono mai fafo.
O lea foi ua oo lava i le aga’i i Aleipata ua faailoa e lea pulega tuma’oti a le malo le toe suaina ma faavalitā le vaega o le aualatele i le nofoaga o Tuialamu, lea ua taamilo mamao i le sami lea auala ona o le solo tele o loo iai.
E iai le talitonuga o se fiafiaga lea i le atunuu o loo malaga mai i lea faaitu o le motu o Upolu aemaise o le atunuu femalagaa’i ua valitā ma toe teu faaaulelei e le pulega o fela’ua’iga i le laueleele lea aualatele o le malo.
