I le aso 29 o Novema na faia ai le faaaliga o fua o faato’aga ma lafumanu faapea le atina’e o faigafaiva poo ulua’i seleselega mo le itumalo o Gagaifomauga Muamua, e oo mai i le Aso Faraile na te’a nei ua lima itumalo palota ua faatino a latou faaaliga o ulua’i seleselega.
O itumalo ia e aofia ai Falealili Muamua, Satupaitea, Gagaifomauga Muamua, Palauli Numera 1 ma Palauli Numera 2.
O le minisita lagolago o le matagaluega o faato’aga ma faigafaiva na tatalaina le ulua’i seleselega mo le itumalo palota o Palauli 2 i le faai’uga o le vaiaso na te’a nei.
O le itumalo foi lea ua pale se tasi o tamalii le Afioga Laulu Tiatia Mapesone i tofiga o le Sui o le Fono a Sui Tofia.
Le afioga Maiava Fuimaono Tito Asafo o le minisita lagolago o le matagaluega o faato’aga ma faigafaiva i le saunoaga na tatala ai le ulua’i seleselega a le itumalo o Palauli 2 poo Palauli le Falefa, lea ua taualuga iai faaaliga o ulua’i seleselega o lenei tausaga.
