Ole kamupani a le Johnson and Johnson ose tasi o kamupani tele ile lalolagi e gaosia vailaau mo togafitiga, sa feagai foi ma le sailia o se tui puipui mo le koviti 19 ma ua faailoa mai ole aso ua amata ai le faatinoina o le talosaga mo le ioeina faavavave o lana tui puipui mai le European Medicines Agency ma le Health Canada,
Ua tuuina atu e le kamupani ona sui I le Iuni a Europa ma Kanata mo le faia o suesuega amata o faamaumauga mai le latou one dose vaccine ao talia ai le ioeina ma le taliaina aloaia o lea tui puipui. Ua taunuu foi niusila I se maliega I doses ia mo le tui puipui ma o loo tatali foi I le faamaonia mai o lona faaaogaina saogalemu.
Ise faamatalga mai le Johnson and Johnson ua taua ai o le European Medicines Agency na faatagaina le faagaioia o le tui puipui ona o le tele o tali lelei mai test sa aia mai le potu suesue ma iloa ai o le tuipuipui e mafai ona faamalosia ai le immune system ma faatupu ai antibodies e mafai ona tetee atu ai I le vairusi. Ole taimi nei o loo faatalia le vaega mulimuli o siaki poo tests o loo faia Ia I latou sa volunteer ane e faataitai ai le tui puipui.
