E to’atolu tulisi Ausetalia ua faasalaina ma faasā ona toe aga’i atu i se paka i Indonesia ina ua mae’a ona maua lo latou uia o se nofoaga o loo tapunia.
Fai mai lipoti o sui mai le Paka lea na o latou tuuina faamatalaga ma ata mai le CCTV o loo iloa atu ai tulisi ia e to’atolu i Mt Rinjani i le motu o Lombok, o se tasi o nofoaga taatele e masani ona aga’i iai tagata mo tafaoga peitai o loo tapunia le vaega tonu na uia e tulisi Ausetalia ia ona o timuga.
E ta’i $365 le faasalaga tupe e totogi e le tagata ma ua faasā ona toe aga’i atu i lea paka mo le lima tausaga.e
Ua ta’ua ua mae’a ona sainia e tulisi ia se tusi ua ta’utino ai o le a latou lē toe aga’i lava i lea nofoaga.
Puna o Faamatalaga: https://www.9news.com.au/national/aussies-fined-and-banned-from-indonesian-national-park/f99b6773-e5cb-457c-be93-0b74e02cf3f8
