E lua isi nofoaga faaopoopo i le lisi o faigamalaga i le va o Niu Sila ma Ausetalia a le Jetstar ua faailoa mai.
O lea e lē o toe mamao amata faigamalaga fou i le va o Kalaiesetete ma Cairns, faapea i le va o Aukilani ma Sunshine Coast.
O nei feoa’iga faaopoopo o le a tautuaina e le vaa a le A320 ma e faaopoopo ai le isi 240,000 nofoa i le tausaga e tasi.
E ese mai i le va o atunuu e lua, o loo manao foi le Jetstar e faaopoopo ana faigamalaga i totonu o Niu Sila ma e amata i le va o Kalaiesetete ma Aukilani faapea Aukilani ma Ueligitone, ma o totonu o le 12 masina lea o loo vaavaai iai.
I se molimau a le Pule Sili o le Jetstar Group, Stephanie Tully, o le laasaga ua iai nei o se faasiliga tele o le tautua a le Jetstar i totonu o Niu Sila ua mafai ona faamauina i le silia ma le 10 tausaga.
Puna o Faamatalaga: http://Jetstar launches two new trans-Tasman routes (1news.co.nz)
