Ua siitia le finau poo le tali atu a le malo i ram raiders poo osofaiga e faia ua faaaogā ai taavale e faaleaga ai nofoaga faapisinisi ma gaoia ai meatotino.
Ua faailoa i le taeao analeila e 9 miliona lea ua faaaopoopo ane e feoasoani ai i lea mataupu ma ua oo atu ai i le 15 miliona lea ua faagaga mo lea taumafaiga.
O le Retail Crime Prevention Programme na amataina i le tausaga talu ai i le taimi o le maualuga o le aofai o osofaiga faapea sa faamauina.
Fai mai lipoti o le masina o Aokuso o le tausaga talu ai e 116 osofaiga faapea na faamauina, o le masina o Fepuari o le tausaga nei e 41 ua faamauina o lona uiga ua faaitiitia peitai e ao lava ona taofia lea tulaga.
O le 6 miliona na amata ai le polokalame lea e le taumate ua lata ina mae’a ma o le a fesoasoani tele ai la le isi faaopoopoga lea ua faailoa i le asō i le faaauauina pea o le tali atu i tulaga faapea e aafia ai nai pisinisi.
E silia ma le 500 faleoloa ua aafia i nei ituaiga osofaiga ma o lalo o le polokalame lea e ofoina ai fesoasoai e pei o le faapipiina o security systems i nofoaga o nei pisinisi.
