E to’a 19 tagata ua malelemo i gataifale o Esperance i WA talu mai le 2001 e aofia ai ma le to’alua na faato’ā maliliu atu i le masina nei lava.
Ua faia ai loa ma se fuafuaga a le Council i le faaitu lea ina ia fausia ni pa aemaise lava i nofoaga lamatia, ina ia taofia ai le o ane o tagata i pito ia ma matāfaga e lamatia ai.
Ua ta’ua i lipoti o se tinā e 56 tausaga sa malemo i Hellfire Bay e lata i Perth i le Aso Toonai talu ai.
O le isi tamaitai e 40 tausaga le matua na tafea aga’i i le sami i Salmon Beach i le 3 vaiaso talu ai.
Faamoemoe le Council o le fausia o ia pa o le a faaitiitia ai le numera o soifua aafia ma ma’umau i gataifale o le atunuu.
E lē na o le faaitu lea o Ausetalia o loo tula’i mai ai lea faaletonu peitai toeitiiti leai se Setete ma se teritori e lē o ma’umau soifua o tagata ona o tulaga e aafia i gataifale ma ua faamanatu mai ai surf lifesavers e ao ona mata’itū e tagata uma tulaga tau le puipuiga i ia nofoaga ina ia lē gata ina puipuia o latou lava soifua ae o le lavea’iina foi o soifua o tagata e aga’i atu mo le lavea’iina o i latou.
Puna o Faamatalaga: https://www.google.com/amp/s/amp.abc.net.au/article/104873566
