Ua auai faatasi senatoa o le Leipa i le faitioina o le faigamalo a le Feterale ma le latou taumafaiga e faavavevave ona pasia se tasi o tulafono tau femalagaa’iga i le Palemene i le vaiaso talu ai ua o latou ta’ua o lea pili e fai si ogaoga e tatau ona matuai iloilo ma le toto’a.
O se komiti a le senate na taulai le latou mataupu i le Leipa ma le taumafai e faapasia lea tulafono lea e faapea e faigofie ai ona tipoti ese tagata mai le atunuu.
O senatoa mai le Leipa, Liberal ma le Green ua o latou ta’ua o tulafono e ono solia ai aiātatau a le tagata ma lona tutoatasi e tatau ona matuā iloilo ma le toto’a i le Palemene.
Na taofia mai le faigamalo a le Feterale i lona taumafai e faavavevave le tulafono lea i le Palemene ina ua faatuai e nisi o senatoa le faia o palota i lea pili ma faailoa ai foi e le Soofaatasi latou te ono lagolagoina lea pili ae tatau ona faia nisi suesuega faaopoopo.
