I le tapena mai ai i le tausaga e 2023 o le tuueseeseina o le matagaluega o tiute ma tupe maua i ni matagaluega se lua, o lea ua lipotia le faamaonia ai e le Kapeneta o lea fuafuaga ma o le a ese ai le matagaluega o tupe maua, ese le matagaluega o tiute.

O lona uiga o le a lua matagaluega e tofu ma Ofisa Sili e faauluulu iai.

Mo le silafia o tausaga ua tuana’i sa ese le ofisa o le tiute, ese le matagaluega a le malo sa fitoitonu ma galuega o tupe maua i lafoga totogi, ae na tuufaatasia ia auaunaga e lua a le Malo i le tausaga e 2003 ma avea ai ma matagaluega o tupe maua.

I le 22 tausaga talu ona faatino lea tuufaatasiga, o lea o le a toe tuu eseese ma o le a nafa ai le vaega o tiute ma galuega tau i le leoina o tuaoi ma le aoina o seleni mai tiute ma lafoga o oloa auina mai i le atunuu ma oloa auina i fafo.

O le matagaluega o tupe maua o le a fitoitonu ma galuega tau i tupe maua o lafoga eseese o loo totogi, ma o nisi ia o itutino tāua o le malo o loo tele seleni e maua mai ai i ana galuega ma auaunaga faatino.