Fai mai le minisita o fesuiaiga o le tau a Niu Sila, ua maea ona ia faamautinoa atu I atumotu o le pasefika e le o mafai ona auai o latou sui I le COP 26 i Glasgow,, ole a ia faia le mafai e gata ai ina ia faaleleia o latou tulaga I feutanaiga.
E nao le toafa taitai mai le pasefika o loo auai ai I le fonotaga tele ale lalolagi faatatau I le tau ma o loo faia I Glasgow ona o sa ma aiaiga faavaomalo o le koviti 19 i faigamalaga. Fai mai James Shaw pei ona lipotia ile RNZ Pacific o popolega o le pasefika e faatatau ile laitiiti o avanoa e auai ai ile fonotaga ma feutanaiga peitai e ono faigata foi mo I latou o loo tuufaatasia le fonotaga ona faatulaga ni fesootaiga I luga o fesootaiga faaonaponei.
Fai mai Shaw ua maea faailo atu ile pasefika o loo o latou malamalama i o latou popolega ma o le a faatino ile mafai e gata ai ina ia faateleina se avanoa mo le pasefika ,e ui e le mafai ona tautala mo atumotu o le pasefika ae o le a faamautinoa o ituaiga feau ma faamatalaga oloo sau mai le pasefika o le a faaoo atu I le laulauafono.
