E toalua tagata na manunu’a ananafi e mafua mai i le taimi na gaoia ai e se tasi le taavale a leoleo i Manukau i Aukilani.

Ua lipotia o lea ua ave e leoleo le alii ua tuuaia nei na ia gaoia le taavale a leoleo mai Puhinui Rd i le aoauli ananafi, ma e gaoi o loo pisi leoleo e faatoafilemu se tasi o mataupu na moomia vave ai.

E lei umi se taimi na alu ai ma le taavale a leoleo ae alu atu soso’a taavale e lua o loo paka ma o tagata e toalua na faamanu’alia ai, o lea na fesoasoani iai le aufaigaluega a le ambulance.

E oo mai i le taimi na tuufaatasia ai tala fou e lei toe maua mai se tala i leoleo i lē ua taofia nei, pau le lipoti na sau i tua ananafi o loo vaavaai iai le ofisa e molia.