O se tina matua pe ā ma le 80 tausaga ua lipotia o loo tigaina ina ua osofaia lona fale i le vaveao analeila i Henderson.

Na valaau ane leoleo i le fale lea i Henderson poo le te’a o le 2 i le vaveao, fai mai o se alii na ulufale i lea nofoaga ae faate’ia ina ua agai atu le tagata e aumau ai i le fale ma ia faaoolima loa iai, o le tina matua lea ma o loo i le falemai.

Fai mai na vave tali atu leoleo i le faalavelave peitai latou te lei mauaina le tagata lea ma ua talosagaina le fesoasoani a nisi e silafia lenei faalavelave ina ia fesootai ane.

O loo faamatalaina i le lipoti, o le mataupu lea e foliga na agai atu lea tagata e gaoia le fale o le tina matua.

Puna o Faamatalaga: https://www.rnz.co.nz/news/national/520659/woman-in-her-80s-seriously-injured-in-home-burglary