O lea o le a faamalosia le tatau ona faia o tui puipui o le Koviti mo tagata galulue I le soifua maloloina faapea totonu o aoga

O le aso muamua o Tesema o le tausaga nei e tatau ona oo atu iai ua uma tui e lua o tagata galulue I le soifua maloloina o loo maualuga le lamatia I le faamai

O I latou nei e aofia GP poo fomai, aufaigaluega I fale tala vai, tausimai, faatosaga, ma le loaloa o le aufaigaluega o loo feagai ma le togafitia o gasegase

Ae e le I oo I le uluai aso o Tesema e tatau ona oo atu I le aso 30 o le masina lenei ua uma tui muamua

Ese mai le soifua maloloina, o I latou uma e gafa ma le aoaoina o fanau aoga I totonu o potu aoga faapea ai ma I latou e fesoasoani aofia ai matua, e tatau ona oo atu I le uluai aso o Ianuari o le 2022 ua uma tui e lua

O le aso foi lea e na o faiaoga ma le aufaigaluega lagolago ua uma tui e lua e mafai ona aoaoina fanau mai lava I aoga amata, ma e tatau ona iai faamaumauga o le aufaigaluega ua uma tui

O lea foi ua tuu atu le aso 15 o le masina fou e tatau ona oo atu iai ua uma ona faia tui muamua

Mo iunivesite o lea o loo iloilo pea e le malo le faamalosia o tui I totonu o ia aoga

O matagaluega nei e lua ua faaopoopo I le lisi o tagata galulue o loo faamalosia le tatau ona faia tui puipui o le Koviti