E silia ma le 20 nofoaga o loo fausia ai fale e le kamupani a le St Hilliers ua tapunia uma ina ua faaletonu le kamupani ma faamaonia mai faamatalaga ia i le taeao nei.
Ua faaopoopo atu foi ma le kamupani lea i isi kamupani tetele a Ausetalia sa feagai ma faaletonu i le taimi ua sola ma atili faatuai ai galuega o le fausia o fale i le atunuu.
O loo faailoa o nisi o a latou poloketi tetele sa faatulaga e aofia ai galuega a le militeli, soifua maloloina ma aoaoga.
O le vaega lea o loo aafia o le St Hilliers Contracting ma ua faailoa o le a tumau pea galuega mo le toa 80 o lana aufaigaluega a o isi ua vāea a o tau faatulaga ai isi vaega uma o le a aafia ai le pisinisi.
O le aso 14 o le masina nei le fonotaga a i latou uma e aofia i le vaega lea ua faaletonu ma o loo faatalia se lipoti mai le kamupani e tusa o le mafuaaga o le faaletonu.
